Fréttir

Almarr Ormarsson, leikmaður meistaraflokks KA, er genginn til liðs við úrvalsdeildarlið Fram og er hann búinn að skrifa undir tveggja og hálfs árs samning. Almarr spilaði því sinn síðasta leik með KA gegn Víkingi R. á Akureyrarvelli í gærkvöldi og verður hann löglegur sem leikmaður Fram þegar Framarar sækja HK-menn í Kópavogi heim þann 28. júlí nk.

Í kvöld mætast KA og Víkingur R. á flottum Akureyrarvellinum. Leikurinn hefst kl 19:15 og ætla Vinir Sagga að hita upp á Allanum kl. 18:00 og þeir hvetja á alla KA-stuðningsmenn til að mæta þangað og syngja nokkra góða söngva áður en rölt er saman á völlinn!

Á fimmtudagskvöldið fóru KA-menn til Eskifjarðar og léku gegn Fjarðabyggð í fyrsta leik seinni umferðar mótsins. Leikurinn var algjör endurtekning af leik liðanna í vor - sömu markaskorarar og sami gangur leiksins, 2-2.

Í dag mætast KA og Fjarðabyggð á Eskifjarðarvelli og eru allir KA menn sem hafa tök á því að mæta að fjölmenna austur og styðja við bakið á strákunum. Leikurinn hefst klukkan 20.00.

Í vikunni gekk framherjinn Gyula Horvarth til liðs við KA-menn en hann hafði verið á reynsluæfingum hjá liðinu í þónokkra daga áður en ákveðið var að semja við kappann út tímabilið.

Varnarjaxlinn Baldvin Ólafsson hefur verið sendur á láni út tímabilið til Magna á Grenivík en hann hefur ekki náð að komast í lið KA-manna.

Á laugardaginn sl. mættust Víkingur Ólafsvík og KA í Ólafsvík í aftakaveðri en leiknum lauk með 2-1 sigri heimamanna þar sem sigurmarkið kom í uppbótartíma - þriðja leikinn í röð hjá KA-mönnum!

Á morgun munu KA-menn leggja leið sína til Ólafsvíkur og spila gegn Ólafsvíkingum en leikurinn hefst kl. 16:00. Skemmst er að minnast leiksins í fyrra á Ólafsvíkurvelli sem fór 6-0 fyrir heimamönnum en strákarnir eru staðráðnir í að hefna þeirra ófara núna!

KA-menn tóku á móti Stjörnunni á sunnudaginn sl. í geysilega mikilvægum leik fyrir bæði lið hvað varðar framhaldið en því miður rændu gestirnir stigunum þremur í dramatískum leik.

Í dag mætast KA og Stjarnan á Akureyrarvellinum en leikurinn er geysilega mikilvægur fyrir KA-menn sem gætu náð að blanda sér í toppbaráttuna með sigri en leikurinn hefst kl. 16:00 í dag.